(يمــه أسمعــــيــني )

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم حطت لي المديره ..
نجمه على جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
والا عشاني دايم اسرح



يمه مريولي توصخ ..
ماكان قصدي اوصخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...

يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها..
راحت تدور غيري..
عشان تلقى احد يونسهـا..



يــمــه..
يالله خلاص لاتمزحي..
يالله قومي...
تعالي معي للبيت ارجعي..



يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...


يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرهـ ..
اذا راحوا من هنا الناس ..
تكفين يمه بكره اصحي ..
تكفين يمه بكره ارجعي

كأإأمسمييدأإأ ع الطررح

كلمإأإت مرره حلوووه

واصلِِ

حلوو ..يسلمووو ..^^

مؤثر الكلام
كمساميدا على الموضوع

من جد ما حد يحس بلغالي ألا لما يفقده
الله يخليكي يا أمي ويوفقك دنيا والاخره
ويوفق جميع الامهات في دنياتهم وأخرتهم

كلااام مؤؤؤثر ..
تسلمي يالغلا على الطرح..

كمسميدا مرررررره نايس